Türkiyədə hərbi çevrilişə cəhddən bir il ötür
10:40 – 15 İyul, 2017

Bu gün Türkiyədə hərbi çevrilişə cəhddən bir il ötür.

 

APA TV-nin xəbərinə görə, 2016-cı il iyulun 15-də Türkiyə Silahlı Qüvvələrinin bir qrup üzvü “Yurdda sülh hərəkatı” adı verdiyi hərbi çevrilişə cəhd edib, ordunun ölkədə idarəçiliyi ələ keçirdiyini açıqlayıb. Onların bu elanı TRT-də səsləndirilib. Ölkədə fövqəladə vəziyyət və hərbi komendant rejimi elan olunub.

 

İstanbuldakı "Boğaz içi" və "Fatih Sultan Mehmet" körpüsünü ələ keçirən üsyançı hərbçilər Ankarada Türkiyə Böyük Millət Məclisini bombalayıblar. Həmin gecə baş verən toqquşmalarda 300-dən çox hərbçi və mülki şəxs ölüb, 15 400 nəfər yaralanıb.

 

İyulun 16-da Türkiyə Silahlı Qüvvələri və polisin keçirdiyi irimiqyaslı əməliyyat nəticəsində FETÖ terror təşkilatının planlaşdırdığı hərbi çevriliş baş tutmayıb. Təşkilatın ABŞ-da olan başçısı Fətullah Gülənin həbsi və ekstradisiyası üçün həmin ölkəyə müraciət olunub.

 

Ötən il iyulun 16-da Türkiyədə elan olunmuş fövqəladə vəziyyətin müddəti bir neçə dəfə uzadılıb.

 

Türkiyənin bütün vilayətlərində hərbi çevrilişə cəhdin qarşının alınmasının ildönümü ilə bağlı tədbirlər keçirilir.

X

XƏBƏRLƏR
BÖYÜT