Madrid Kataloniyaya düşünmək üçün vaxt verdi
03:41 – 12 Oktyabr, 2017

Kataloniya rəhbəri Karles Puçdemon oktyabrın 16-dək regional hökumət tərəfindən imzalanan müstəqillik bəyannaməsinə aydınlıq gətirməlidir.

 

APA-nın TASS agentliyinə istinadən verdiyi xəbərə görə, bunu İspaniya hökumətinin başçısı Mariano Rahoy parlamentin aşağı palatasında çıxış edərkən bəyan edib.

 

“Cavab müsbət olsa və yaxud olmasa, Puçdemon müstəqillik bəyannaməsinin ləğvi barədə qərar verməlidir”, deyə M. Rahoy qeyd edib. Onun sözlərinə görə, buna görə muxtariyyət rəhbərliyinə oktyabrın 16-dək vaxt verilir.

 

Ötən gün Kataloniya hökumətinin rəhbəri Karles Puçdemon, onun müavini Oriol Junkeras və region parlamentinin spikeri Karme Forkadel müstəqillik haqqında bəyannaməni imzalayıblar.  

 

X

XƏBƏRLƏR
BÖYÜT