İran və Misirdən ABŞ-a sərt mesaj: "Qüdsü İsrail paytaxtı kimi tanısanız..."
14:46 – 06 Dekabr, 2017

İranın ali dini lideri Əli Xamneyi ABŞ-a qarşı sərt ifadələr işlədib.  APA TV-nin Türkiyə mətbuatına istinadən məlumatına görə, o, rəsmi Vaşinqtonun Qüdsü İsrailin paytaxtı kimi tanımaq istəyinə münasibət açıqlayıb.

"Fələstin azadlıq əldə edəcək və zəfər onların olacaq" - deyə, Xamneyi bildirib.

 

Ali dini lider əlavə edib ki, bu plan ABŞ-ın acizliyinin və bölgədəki məğlubiyyətinin göstəricisidir:

"ABŞ Fələstindən və ümumiyyətlə Yaxın Şərqdən nə qədər uzaq dursa, o qədər yaxşıdır".

Misir prezidenti Adülfəttah Sissi də öz növbəsində Ağ Ev rəhbərinə xəbərdarlıq ünvanlayıb. General sözü gedən niyyətin Yaxın Şərqi qana çalxayacağını iddia edib.

Bu məsələnin Sissi və Tramp arasında baş tutan telefon danışığında müzakirə olunduğu qeyd edilir.



 

X

XƏBƏRLƏR
BÖYÜT