Kosmetika və qəlyan haramdırmı? "Facebook”da nələr günahdır?
17:49 – 12 Aprel, 2018

Allah hansı günahı bağışlamayacaq?

Lotereya, futbolla bağlı mərc oyunları da haram sayılırmı?

Ən böyük günah nədir?

 

“Günah Allahın iradəsinə qarşı çıxmaq, Rəbbin hökmündə yaşayıb, o hökmü heçə saymaqdır. Eləcə də günah mələklərin var olduğu yerdən şeytanın yanına keçiddir”.

 

APATV-nin məlumatına görə, bunu ilahiyyatçı Ağa Hacıbəyli “Yaşıl orta” verilişində deyib. O, bildirib ki, günah rəhmətdən qəhrə doğru yürüşdür: “Bir insan cəhalətindən və ya inadından dolayı haqqın buyurduğuna qarşı çıxır, baxma dediyinə baxır, etmə dediyini edirsə, deməli günah qazanır.  İslam hüququna görə günahlar böyük və kiçik olmaqla 2 yerə ayrılır. Bəzən müsəlmanlar kiçik xətaları ciddi qəbul etmir və zamanla vərdişə çevirir. Özü də fərqində olmadan o kiçik səhvlər artır və böyük günaha çevrilir. Unutmamalıyıq ki, hər bir günahın təməlində küfrə və  cəhənnəmə gedən yol var. İnsan Rəbbin əmrinə qarşı çıxdıqca,  fitrəti pozulur, tədricən  insani xislətlərini itirir. Hətta bir gün qatilə də çevrilir. Odur ki, böyük-kiçik demədən hər cür günahdan çəkinmək lazımdır”.

 

İlahiyyatçı qeyd edib ki, günahlar mahiyyətlərinə görə də fərqlənir: “Məsələn, içki günahdır. Amma bir  var evində bu xətanı  edəsən, bir də var toplum içində təbliğ edərək. Eyni əməl olmasına baxmayaraq, ikinci halda müsəlman daha çox günah  qazanır. Onu da qeyd edək ki, insan günaha meyilli varlıqdır. Tamam xəta etmədən yaşamaq mümkün deyil. Bəndə səhv edə bilər, önəmli odur ki, günahı dərk edib, tövbə qapısına üz tutsun”.

 

A.Hacıbəyli ən böyük günah barədə də məlumat verib: “ Allah  bəndəsinə şirk istisna olmaqla bütün xətaları bağışlayar. Yeganə günah Rəbbə şərik qoşmaqdır ki, Yaradan bunu əfv etməz. Yəni kimsə belə bir əməllə dünyadan köçsə, axirətdə ona bağışlanma nəsib olmayacaq. Çox ağır bir günahdır və müsəlman bu əməldən çəkinməlidir. Şirkə düşən insan bir an öncə tövbə edib,  Allahdan bağışlanma istəməlidir”.

 

İlahiyyatçı siqaret və qəlyanla bağlı sualları da cavablandırıb. O, bildirib ki, islam insan orqanizminə zərər verən hər şeyi qadağan edir: “ Tütünün sağlamlığa çox böyük zərərləri var, hətta xərçəng xəstəliyinə də səbəb ola bilər. Bu məsələdə bir qayda müəyyən olunub. Qəylan, eləcə də digər vasitələr əgər səhhətə ziyandırsa, deməli din istifadəsinə icazə vermir”. 

 

X

XƏBƏRLƏR
BÖYÜT