Ermənistan XİN: Belarusun Azərbaycana silah satması...
10:52 – 13 İyun, 2018

"Belarusu Ermənistanla müqavilələr bağlayır, o Kollektiv Təhlükəsizlik Müqaviləsi Təşkilatının (KTMT) üzvüdür, bu isə Minskin üzərinə özünü müttəfiq kimi aparmaq öhdəliyi qoyur. Hazırkı vəziyyətdə isə Belarusun addımı onun öhdəliklərinə uyğun gəlmir".  

 

APA TV-nin erməni mətbuatına istinadən verdiyi məlumata görə, bunu Ermənistan XİN rəhbərinin müavini Şavarş Koçaryan Belarusun Azərbaycana "Polonez" tipli raket kompleksləri satmasına münasibət bildirərkən deyib.

 

Onun sözlərinə görə, söylənilənlər nəinki Belarus, həmçinin KTMT-nin digər üzvlərinə də aiddir.

 

Onun fikrincə, müqavilədə KTMT-yə üzv olmayan ölkələrə silah satışını qadağan edən bənd olmasa da, təşkilat tərəfdaşlarının maraqlarına zərər vura biləcək bu cür addımları qadağan edən bilavasitə amillər var.   

 

Şavarş Koçaryanın sözlərinə görə, problemin həlli yolu ölkənin özündədir: "Dövlətlər ilk növbədə öz maraqlarını rəhbər tutur. Bir ölkənin digərinin maraqlarını pozmaması üçün, sonuncunun daha nüfuzlu olması gərəkdir".

 

Nazir müavini əlavə edib ki, Ermənistan nə qədər nüfuzlu, dünya üçün başa düşülən və qəbul edilən olarsa, digər ölkələrdən İrəvanın maraqlarına riayət etməsini bir o qədər tələb edə bilər.

X

XƏBƏRLƏR
BÖYÜT