18:31 28 Noyabr 2020 343
Ana səhifə Xəbərlər

Baş Prokurorluq: 5 nəfər Füzulidə minaya düşərək həlak olub

Ermənistan silahlı qüvvələri Azərbaycan Ordusunun uğurlu əməliyyatları nəticəsində geri çəkildikcə əraziləri minalayaraq növbəti təxribatlar törədirlər.

Baş Prokurorluğun mətbuat xidmətindən APA TV-yə verilən məlumata görə, Azərbaycan vətəndaşları Şakir Hacıyev, Firudin Hacıyev, Zülfüqar Hüseynov, Elminaz Hacıyeva və Zibeydə Adilzadə Füzuli rayonunun işğaldan azad olunmuş Aşağı Seyidəhmədli kəndi ərazisində "Toyota" markalı avtomobillə hərəkətdə olarkən ilkin ehtimala görə tank əleyhinə minaya düşmələri nəticəsində həlak olublar.

Dərhal prokurorluq əməkdaşları tərəfindən hadisə yerinə və meyitlərə baxış keçirilib, məhkəmə-tibb ekspertizası təyin edilib.

Faktla bağlı cinayət işi başlanılıb və istintaqın aparılması Baş Prokurorluğun İstintaq idarəsinə həvalə edilib.

Müəllif | Apa.Tv

Apa.tv

Kodu kopyalayın