Masallıda koronavirus daşıyıcısı yaşayış yerini tərk edib
Masallıda yaşayış yerini tərk etmiş koronavirus daşıyıcısı aşkarlanıb.
APA TV-nin cənub bürosunun verdiyi məlumata görə, rayonun Mahmudavar kənd sakini Beyrək Rəhimova COVID-19 infeksiyası testinin pozitiv nəticəsinə görə, ev şəraitində müalicə təyin edilib və ona yaşayış yerini tərk etməməsi tapşırılıb.
Lakin Masallıda Rayon Polis Şöbəsinin əməkdaşlarının keçirdikləri müvafiq tədbirlərlə həmin şəxsin yaşayış yerini tərk etdiyi müəyyən edilib və o şəhər ərazisində aşkar edilərək təcili tibbi yardımla yaşadığı ünvana qaytarılıb.
