13:20 13 İyul 2020 131
Ana səhifə Xəbərlər

Ucarda tövlədə yanğın: 3 baş heyvan tələf oldu

Ucarda baş verən yanğında 3 baş iribuynuzlu heyvan tələf olub.

APA TV-nin yerli bürosunun xəbərinə görə, hadisə rayonun Alpout kəndində qeydə alınıb.

Kənd sakini, 1970-ci il təvəllüdlü Elxan Yediyar oğlu Cəfərova məxsus ümumi sahəsi 500 kvadratmetr olan tövlədə güclü yanğın baş verib. Nəticədə tövlə içərisində olan 3 baş iribuynuzlu heyvan və xeyli sayda ot bağlaması ilə birlikdə yanıb.

Hadisə yerinə FHN-in Ucar Rayon Yanğından Mühafizə Hissəsinin canlı qüvvəsi və texnikası cəlb olunub. Yanğın söndürülüb və tövlədə olan 1 baş heyvan xilas edilib.

Faktla bağlı araşdırma aparılır.

Zahid Abışov

Devran Əsğərov

Müəllif | Apa.Tv

Apa.tv

Kodu kopyalayın