15:41 12 Fevral 2020 1589
Ana səhifə Xəbərlər

Yollar buz bağladı, avtomobillər yolda qaldı – SÜRÜCÜLƏRƏ XƏBƏRDARLIQ

İsmayıllı və Şamaxı rayonlarına qarın yağması nəqliyyatın hərəkətində çətinlik yaradıb.

APA TV-nin yerli bürosunun xəbərinə görə, şaxtalı hava səbəbindən ötən gecə Muğanlı-İsmayıllı dolayları, Ağsu aşırımı, Şamaxı-Pirqulu və Şamaxı-Göylər, eləcə də İsmayıllı-Lahıc yolu buz bağlayıb. Nəticədə sürücülər yolda qalıb.

Muğanlı-İsmayıllı yolunun buz bağlaması səbəbindən burada nəqliyyatın hərəkəti məhdudlaşıb. Həmin yolda 50-dən çox maşın qalıb. Yollarda hərəkət edə bilməyən sürücülər geri qayıtmaq məcburiyyətində qalıb.

Sürücülər deyir ki, yollara qum-duz qarışığı səpilsə də, təkrar şaxtalı hava yolda buzlaşmaya səbəb olub.

Əraziyə cəlb edilən Yol İstismar İdarəsinin işçiləri buz bağlayan ərazilərə yenidən qum-duz qarışığı səpib. Lakin axşam saatlarına doğru temperaturun aşağı düşməsi və şaxtalı havanın olması nəzərə alınaraq, sürücülərə ehtiyatlı olmaları və alternativ yollardan istifadə etmələri məsləhət görülür.

Müəllif | Apa.Tv

Apa.tv

Kodu kopyalayın