15 sentyabr Bakının daşnak-bolşevik işğalından azad olunduğu gündür. Həmin gün Nuru Paşanın rəhbərlik etdiyi Qafqaz İslam Ordusu və Azərbaycan Korpusu Bakıya daxil olaraq, şəhəri erməni-bolşevik işğalından azad edib. Bununla da həm Azərbaycanın müstəqilliyi təmin olunub, həm də ermənilərin və bolşeviklərin Bakı və ətraf rayonlardakı ağalığına son qoyulub.

Qafqaz İslam Ordusu Bakının azad olunması üçün həyata keçirdiyi hərbi əməliyyatlarda 1130 şəhid verib.

APA TV-nin “APAralel” verilişində gənc tarixçilər Elmar Həsənli və Tural Həmid Bakının daşnak-bolşevik işğalından azad olunmasından 101 illiyi ilə bağlı müzakirə aparıb.