Culfalıların qucaq açdığı, zəngilanlıların məskunlaşdığı Zəngilan məhəlləsində uzaqdan diqqəti daha çox cəlb edən köhnə İrəvan kərpicləri ilə tikilmiş bu binalardır. Bir əsrə bərabər yaşı olan bu tikililərdə əvvəllər Mincivan-Culfa dəmiryolu xətti ilə Culfaya gələn zəngilanlı dəmiryol işçiləri, maşinistləri yaşayıblar. Elə o vaxtdan da məhəllənin adı “Mincivanlılar” və yaxud “Zəngilanlılar” məhəlləsi kimi tanınıb, adlandırılıb. Sakinlər deyir ki, onlar bura köçəndə burada yaşayanların əksəriyyəti mincivanlılar imiş. Sora bir-bir hamı köçüb gedib. Dəmiryolu vağzalının yaxınlığında yerləşən məhəllənin sakinləri tezliklə bu vağzaldan yola çıxacaq qatarla Zəngilana getmək arzusundadırlar.

Ceyhun Məmmədov, Əli Xudiyev, APA TV