Küçələri şən gülüşlərin əks-sədasına bürünən Füzulidə bir gün
Bir vaxtlar kədərli səssizliyə qərq olan, indi isə küçələri uşaq səslərinin, şən gülüşlərin əks-sədasına bürünən bu şəhər Füzuli şəhəridir. İşğaldan azad edilən digər ərazilərdə olduğu kimi buraya qayıdan ailələrin sayı da günü-gündən artır. Füzulinin insanları geri dönəndən bəri evlərin pəncərələrində çiçəklər açıb, küçələr illərin tozunu silkələyib, kimsəsizliyin kiflərindən qurtulub.
