Gülarə İsmayılovanın 76 yaşı var. Özünün də dediyi kimi 30 il bu arzusunun gerçəkləşəyi günü gözləyib müsahibimiz. Onun arzusu isə doğma Füzuliyə qayıtmaqdır. 46 yaşı olanda Füzulidən köçkün düşən Gülarə xala doğma ata-baba yurduna daxil olan kimi uzun illərdir ki, ürəyində möhürlənən “Ölkəm romansı” arzusunu gerçəkləşdirəcək. Ona görə də bu arzusunun bir hissəsini APA TV ilə bölüşdü, möhtəşəm ifası ilə,.. Qeyd edək ki, Füzuliyə növbəti köç karvanı yol salınıb. Bu mərhələdə Bakı şəhərinin Qaradağ rayonundan Füzuli şəhərinə daha 34 ailə - 123 nəfər köçürülüb. Doğma yurda qayıdanların fərqli arzuları olsa da, yurd həsrətinin sona çatmasının sevinci eynidir. Ümumilikdə bu günədək Füzuli şəhərinə 596 ailənin, yəni 2245 nəfərin daimi məskunlaşması təmin edilib.