Saatlıda 8 məktəbli və 1 müəllim avtobusda qazdan zəhərləndi - APA TV Saatlıda 8 məktəbli və 1 müəllim mikroavtobusda dəm qazından zəhərlənib. Hadisə Saatlının Qaranuru kəndində baş verib. Məktəbliləri dərsə aparan mikroavtobusda qaz sızması baş verib. Şagirdlərin yaxınları bildirir ki, Qaranuru kəndində orta məktəb təmirə dayandığından məktəblilər qonşu kənd olan Fətəlikənd kənd orta məktəbinə xüsusi olaraq onlar üçün ayrılmış avtobuslarla dərsə gedirlərmiş. TƏBİB-dən bildirilib ki, Dekabrın 18-də saat 11:00 radələrində Saatlı Rayon Mərkəzi Xəstəxanasının Təcili tibbi yardım şöbəsinə 9 nəfər yerləşdirilib. Onlara dəqiqləşdirilməmiş dəm qazı zəhərlənməsi diaqnozu qoyulub. Faktla bağlı araşdırma aparılır. Əlibəy Zeynallı Elçin Həsənov