Culfa rayonunun Xanəgah kəndidir. Xanagah kəndi tarixi şəxsiyyətləri və abidələri ilə məşhurdur. Xalqımızın qəhrəmanlıq salnaməsinin yazıldığı möhtəşəm Əlincə qalası, Xanəgah Abidələr Kompleksi və Nəiminin məzarı bu kəndin ərazisində yerləşir. Xanəgah Abidələr Kompleksindən zəmanəmizə bir neçə məscid, türbə və bəzi tikililərin qalıqları gəlib çatıb. Ərazidə bərpa işlər aparılarkən torpağın altından bəzi kitabələr tapılıb. Xanəgahlarda insana böyük dəyər verilib. Elə bu səbəbdəndir ki, buradakı şərti mehrablarda insan təsviri yer alıb. Xanəgahla bağlı tarixi məqamlar kimi, bəzi əhvalatlar da mövcuddur. Onu da qeyd edək ki, hələ də insanlar bura gələrkən ibadət edir, ruhən saflaşmağa çalışırlar.

Ceyhun Məmmədov, Əli Xudiyev, APA TV