Son zamanlar uşaqlar arasında nitqdə ləngimə halları çoxalıb. Kimisi bunu uşaqların gözlərini açan kimi telefona baxması ilə, kimisi də eşitmə problemləri ilə əlaqələndirir. Mütəxəssislərin fikrincə, uşağın nitqinin ləngiməsinə səbəb olacaq amillər arasında hamiləlik zamanı ananın keçirdiyi müxtəlif xəstəliklər, həmçinin doğuş travmaları və doğuşdan sonra uşağın ilk aylarda keçirdiyi xəstəliklər var. Uşağın keçirdiyi baş-beyin zədələnmələri, nevroloji, psixi, infeksion xəstəliklər də nitq ləngiməsinə səbəbdir. Ailədə çoxdillilik, pedaqoji baxımsızlıq, valideynlər arasında düzgün olmayan münasibətlər də uşağın psixi və əqli inkişafına mənfi təsir göstərir. Göstərilən mərhələlərdə uşaqda normal inkişaf yoxdursa, bu, valideyn üçün ciddi bir siqnaldır. Valideynlərin 1 yaş 6 aylıq olan uşaqlarla kiçik motorika, yəni oyun, məşğuliyyət tapşırıqlarını yerinə yetirməsi məsləhət görülür. Buna görə də, əgər valideyn uşağın nitqində hər hansı bir problem hiss etsə, gecikmədən mütəxəssisə müraciət etməlidir. Ekspert isə uşağın nəinki nitqi, həmçinin eşitmə dərəcəsi, psixoloji durumu, əqli və fiziki inkişafını da müayinə etməlidir. Çünki düzgün diaqnoz problemin aradan qaldırılması üçün vacib şərtdir.

AYGÜN CARÇIYEVA, ARİF ƏLİYEV, APA TV