Donetsk vilayətinin Kramatorsk şəhərində yerli sakinlər kücələrin birində dayanan hərbi geyimli separatçılardan şəhəri tərk etməyi tələb ediblər. Bir neçə qadın avtomobilin qapısına yaxınlaşaraq, separatcıları soyğunculuq, quldurluq, oğurluq və zorakılıqda günahlandırıb. Bunlar həvəskar kamera ilə lentə alınıb.

 

APA TV-nin xəbərinə görə, qadınlar belə deyirlər: "Cəhənnəm olun, öz evinizə gedin. Mənim burada 2 uşağım var. Dağlara, yamaclara, boş səhralara, insanların olmadığı yerlərə çəkilin, hansı ki, həmin yerlərdə sizi salamlayacaqlar".   

Daha sonra qadınlardan biri DİN-nin qaynar xəttinə zəng edərək, mikroavtobusun nömrəsini deyir. Silahlılar avtomobildən düşərək, qadınlardan qarşıdurma yaratmamağı istəyiblər. Ancaq qadınlar buna əhəmiyyət vermirlər və sonda silahlılar şəhəri tərk edirlər.