Hacıqabul-Şirvan magistral yolunda yol nəqliyyat hadisəsi baş verib. APA TV-nin xəbərinə görə, Hacıqabul rayon sakini, 47 yaşlı Səməd Hacıağayevin idarə etdiyi "Lada Priora" markalı avtomobil magistral yolda hərəkətdə olarkən Şirvan şəhər sakini, 45 yaşlı Tərlan İbrahimova məxsus "VAZ-21099" markalı avtomobillə toqquşub. Nəticədə hər iki avtomobilin sürücüləri və sərnişinlər - Şirvan şəhər sakin, 19 yaşlı Maarif İbrahimli və 72 yaşlı Hacıqabul rayon sakini Əlislam Hacıağayev müxtəlif dərəcəli bədən xəsarətləri ilə Şirvan və Hacıqabul rayon xəstəxanalarına yerləşdirilib. Faktla  bağlı araşdırma  aparılır.