Bakıda 35 yaşlı kişi intihar məqsədi ilə özünü çoxmərtəbəli binadan atmaq istəyib. APA TV-nin məlumatına görə, hadisə Məhəmməd Hadi küçəsi-21, mənzil-95 də qeydə alınıb. Həmin ünvanda yaşayan 1979-cu il təvəllüdlü Amil Vəzirov özünü  9-cu mərtəbənin eyvanından atmağa cəhd edib. Hadisə yerinə gələn Fövqəladə Hallar Nazirliyinin (FHN) və polis əməkdaşlarının birgə apardıqları tədbirlər nəticəsində Amil Vəzirov fikrindən daşındırılıb. Lakin xilas edilən şəxsin sözləri hadisənin yenidən təkrar olunacağını deməyə əsas verir. Onun ruhi xəstə olduğu bildirilib. Amil Vəzirovun anasının bildirdiyinə görə, bu onun ilk addımı deyil. Belə ki, Amil həyat yoldaşı dünyasını dəyişdikdən sonra yaşadığı ünvana qeyidiyyata düşə bilmir. Bu səbəbdən isə intihara əl atıb.