Ukraynanın Slavyansk şəhəri ətrafında, eyni zamanda bir neçə yerdə intensiv döyüşlər gedir. APA TV-nin  məlumatına görə, Ukrayna ordusu əməliyyatlara 8 hərbi helikopter cəlb edərək separatçıların mövqelərini pulemyotlardan atəşə tutub.  Separatçıların qərargahından verilən məlumata görə, yerli sakinlər arasında 2 nəfər həlak olub.   

 

Məlumata görə, döyüşlər Xarkov-Rostov magistral yolunun Krasnıy Liman yaşayış məntəqəsinə dönən hissəsində,  Kramatorsk aerodromu yaxınlığında, Çervonıy Moloçar qəsəbəsi və Andreyevski postu yaxınlığında  gedir.