Bakıda piyada keçidinin uçması faktı ilə bağlı cinayət işi başlanıb. Səbail Rayon Polis İdarəsindən APA-ya verilən məlumata görə, ötən gün Bakı-Salyan yolu 32 ünvanında Şabran şəhər sakini Tofiq Balabəyovun idarə etdiyi “MAZ” markalı yük qaldırıcı kran piyada körpüsünü dağıdıb. Hadisəni törədən sürücü tutulub.

 

Faktla bağlı Cinayət Məcəlləsinin 263.1 (yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.

 

Baş verən qəza zamanı əks istiqamətdə hərəkətdə olan yük avtomobilinin sürücüsü Bakı şəhər sakini İlkin Həsən oğlu Hüseynov ağır bədən xəsarətləri alaraq, Klinik Tibbi Mərkəzə yerləşdirilib.