Donetskdə separatçı İqor Bezler Ukrayna Silahlı Qüvvələrinin əsir düşmüş iki polkovnikinin güllələnməsi anını kameraya çəkərək nümayiş etdirib. "Bes" ləqəbli rusiyalı diversant Turçinova səbrinin tükəndiyini, bundan sonra əsir düşmüş zabitlərə qarşı amansız davranacağını bəyan edib: "İndi cənab Budik və cənab Vasimenko güllələnəcək. Cənab Turçinova demək istəyirəm ki, mənim adamım əsirlikdən azad olmasa, növbəti iki polkovnik güllələnəcək. Daha bir saatdan sonra növbəti iki nəfər. Bununla da bizdə olan 8 zabiti güllələyəcəyik. Əgər Ukrayna Hökumətinə və Silahlı qüvvələrinə zabitlər lazım deyilsə, mənə onlar ümumiyyətlə lazım deyillər".

 

APA TV-nin xəbərinə Ukrayna Silahlı Qüvvələri faktı təsdiq etməsə də, ekspertlər hesab edirlər ki, çəkiliş quramadır. Əsirlərn birinin əynində ağ köynəyin tər-tərmiz olması şübhə doğurur.