Şəkidə ağır yol qəzası baş verib. 

 

APA TV-nin Şəki-Zaqatala bürosuna daxil olan məlumata görə, hadisə nəticəsində iki nəfərin öldüyü bildirilib. Qəza gecə saat 03:30 radələrində Yevlax-Zaqatala-Gürcüstan magistral yolunun 35-ci kilometrliyində Şəki rayonunun Böyük Dəhnə kəndi ərazisindən keçən hissəində qeydə alınıb.  1983-cü il təvəllüdlü, Mingəçevir şəhər sakini,  Ruslan Abdurəhman oğlu Osmanov   idarə etdiyi  “Wolksvagen” markalı 90-LF-573 dövlət nömrə nişanlı  avtomobillə Mingəçevir  isitqamətində hərəkətdə olarkən qəfildən idarəetməni itirib və avtomobil Dəhnə çayı üzərindəki, təxminən 10 metr hündürlükdəki körpüdən aşaraq çaya düşüb.  İlkin məlumatda sürücü Ruslan Osmanovun və onun hələki şəxsiyyəti məlum olmayan sərnişininin aldığı ağır bədən xəsarətlərindən hadisə yerində öldükləri göstərilib.  Baş vermiş q'za zamanı  avtomobil deformasiyaya uğradığından əraziyə Fövqaladə Hallar Nazirliyinin (FHN) Şəki rayon  xüsusi riskli xilasetmə qrupu cəlb olunub. Cəsədlər xüsusi avadanalıqlar vasitəsilə avtomobildən çıxarılaraq aidiyyəti üzrə təhvil verilib.

 

Faktla bağlı Daxili İşlər Nazirliyinin (DİN)  Baş Dövlət Yol Polisi İdarəsinin istintaq və təhqiqat  bölməsində cinayət işi başlayıb, araşdırma aparılır. 

 

DİN-nin Baş Dövlət Yol Polisi İdarəsinin istintaq və təhqiqat  bölməsindən APA TV-yə verilən məlumata görə, ilkin məlumatda qəza nəticəsində ölən ikinci şəxsin sürücü Ruslan Osmanovun qardaşı Fəqan Osmanov olduğu bildirilsə də, sonradan aparılan araşdırma zamanı fakt təsdiqini tapmayıb. Aparılacaq araşdırmalardan sonra ölən ikinci şəxsin kimliyini demək mümkün olacaq.