Qaxda külli miqdarda narkotik tərkibli bitki məhv edilib. Rayon polis şöbəsinin əməkdaşlarının keçirdikləri əməliyyat nəticəsində yabanı halda bitmiş çətənə kolları aşkarlanaraq yandırma yolu ilə məhv edilib. APA TV-nin xəbərinə görə, "Xaşxaş-2014" şərti adı altında keçirilən əməliyyat zamanı rayonun Süskənd kənd yaxınlığında meşə zolağının boş istifadə olunmayan 1.5 hektar ərazidə yabanı halda bitmiş 10400 ədəd çətənə kolu yandırılıb: "Tədbirlər zamanı məlum olub ki, yığılaraq məhv olunmuş çətənə bitki kollarının çəkisi 3 ton 150 kq-dır".

 

Qax rayon polis şöbəsindən bildirilib ki, bu istiqamətdə tədbirlər davam etdiriləcək.