Sabah Bakıda Türkdilli ölkələrin Parlament Assambleyasının V plenar sessiyası keçiriləcək. APA TV-nin xəbərinə görə, iki gün davam edəcək  toplantıda TürkPA-nın illik fəaliyyəti təhlil ediləcək. Təşkilat katibliyinin ötən ilin büdcəsinin icrasına dair hesabatları dinləniləcək, təşkilati məsələlərə, o cümlədən TürkPA katibliyinin 2015-ci il üçün büdcə layihəsinə baxılacaq, təşkilatın VI plenar sessiyasının vaxtı və yeri müəyyən olunacaq. V plenar sessiyanın yekunları üzrə Bakı Bəyannaməsi qəbul ediləcək.

 

Sessiyaya MDB Parlamentlərarası Assambleyasının nümayəndə heyəti də qatılacaq. Türkdilli Ölkələrin Parlament Assambleyasına sədrlik Türkiyədən Azərbaycana keçəcək. Qeyd edək ki, toplantı ilə əlaqədar Türkiyə Böyük Millət Məclisinin sədri Cəmil Çiçək də Azərbaycana səfər edəcək.