"Rusiya ilə sərhəd bağlanacaq". Bu bəyanatla Ukrayna daxili işlər nazirinin baş məsləhətçisi Anton Qeraşenko çıxış edib.

 

APA TV-nin məlumatına görə, Anton Qeraşenko bildirb ki, sərhədin bağlanması Ukrayna vətəndaşlarının təhlükəsizliyinin təminatı baxımından olduqca vacibdir: "Müxtəlif üsullara baxmaq lazımdır, lakin əlbəttə, sərhədi bağlayacağıq. Bunun üçün indi lazımi metod və vasitələr tapmaq lazımdır".

 

Rusiya ilə sərhədlərin minalanması təklifinə münasibət bildirən Geraşenko qeyd edib ki, bu addım Ukrayna vətəndaşları üçün təhlükəlidir: "Bu, sadə məsələ deyil. Milli təhlükəsizliyin daha vacib olmasına baxmayaraq, bütün lehinə və əleyhinə olan məqamları tərəziyə qoymaq lazımdır. Minalarsız da çoxlu mübarizə metodları var".