Saatlıda dələduzluqda şübhəli bilinən şəxslər  saxlanılıb. Özəl şirkətdə elektrik çilingəri kimi çalışan Nazim Əliyev orta məktəbdə fizika-riyaziyyat müəllimi işləyən Kamil Paşayevlə əlbir olaraq  təqaüd  düzəltmək adı ilə Saatlı rayon sakinlərindən pul alaraq onları aldadıblar.  Müxtəlif  vaxtlarda  aldadılan çoxsaylı şəxslərdən biri - Zahir Məmmədov  Saatlı rayon Polis Şöbəsinə müraciət edərək Əliyev Nazim və Paşayev Kamil tərəfindən aldadıldığı barədə müraciət edib.   Adları çəkilən şəxslər  şübhəli şəxs qismində saxlanılaraq polis şöbəsinə  gətiriliblər. Araşdırma zamanı məlum olub ki, onlar digər  şəxsləri də aldadıb.

 

"Mənim o işdən xəbərim yoxdur. Mən heç kimə heç bir sənəd təqdim etməmişəm".

 

"Mənim onlardan xəbərim yoxdur, Nazim bilir. Yuxarı ilə əlbir olan da Nazimdir. Mən bilmirdim. Elə bilirdim pensiya kartıdır. Axırda bildim ki, saxtadır".

İstintaq  zamanı  Nazim Əliyevin əvvəlcə öz şəriki olan Kamil Paşayevə iş düzəltmək təklif etməsi aydınlaşıb. Kamil isə Nazimə inanaraq  onunla iş görməyə razılıq verib. Bu minvalla onlar müxtəlif vaxtlarda  ayrı-ayrı şəxslərdən pul alaraq onlara təqaüd  düzəltmək barədə söz veriblər.    

 

"Faktla bağlı tərəfimizdən 178.1 , 178.2.2. 178. 2.4 cinayət işi başlanaraq istintaq aparılır".

İstintaq  zamanı  digər aldadılan  şəxslərin də kimliyi  ortaya çıxıb.  Məlum olub ki, dələduzluqla məşğul olan şəxslər  20-yə yaxın  sakini aldadıb. Həmin şəxslərin də ifadəsi alınaraq  cinayət işinə əlavə edilib.