Ukrayna hərbi təyyarəsi Luqansk hava limanına eniş edərkən qəzaya uğrayıb. Ukrayna Müdafiə Nazirliyinin məlumatına görə, İl-76 hərbi təyyarəsi hərbi yüklərlə dolu olub. APA TV-nin məlumatına görə, təyyarənin göyərtəsində 30 hərbiçinin olduğu bildirilir. Onlardan 5 nəfəri heyət üzvüdür. Hadisə zamanı ölənlərin dəqiq sayı məlum olmasa da Ukrayna Müdafiə Nazirliyi ölənlərin ailələrinə başsağlığı verib. Luqansk Xalq Respublikasının başçısı Vladimir İnoqoradski isə bəyan edib ki, hərbi təyyarəyə atəş açılıb.