15 iyun - Milli Qurtuluş günü münasibətilə Milli Parkda bayram konserti və atəşfəşanlıq təşkil ediləcək. Dənizkənarı Milli Bulvar İdarəsinin rəsi müavini Nazim Məcidovun APA TV-yə verdiyi məlumata görə, səhər saatlarından başlayaraq idarə əməkdaşları gücləndirilmiş iş rejimində çalışır. Axşam saatlarında paytaxt sakinlərinin Milli Parka axınını nəzərə alınıb və  təhlükəsizlik tədbirləri həyata keçirilir. Bakı şəhər İcra Hakimiyyətindən isə bildirilir ki, bir neçə saat davam edəcək konsertdə respublikamızın tanınmış incəsənət ustaları çıxış edəcəklər. 21-00-da başlanan konsert proqramı saat 23-00-də möhtəşəm atəşfəşanlıqla başa çatacaq. Qeyd edək ki, ictimai asayişin və təhlükəsizliyin təmin edilməsi üçün paytaxt polisi də bu gün gücləndirilmiş iş rejimində çalışacaq.