Moskvada saxta sənəd hazırlayan 7 azərbaycanlı saxlanılıb. APA TV-nin xəbərinə görə, cinayətkar dəstə onların "xidmətlər"indən yararlanan vətəndaşların müraciəti əsasında həbs edilib. Onlar pasport, doğum haqqında şəhadətnaməni pul müqabilində leqal yolla hazırladıqları barədə elanı internetdə yerləşdirilib. Sənədlərin hazırlanması üçün onlar ofis tutublar və içəridə laboratoriya yaradıblar.

 

"Bu sənədlərin müxtəlif dövlət qurumlarına təqdimatı əsasında onları saxta olduğu aydınlaşıb",-deyə Moskva polisi bildirib. Cinayət axtarış qrupu onların kimliyini müəyyənləşdirib və onlar saxlanılıblar. Faktla bağlı dələduzluq maddəsi ilə cinayət işi başlanılıb.