İraq Şam İslam Dövləti terrorçu qrupu aralarında Türkiyənin Mosuldakı baş konsulu və diplomatları ilə bərabər, türk girovları azad edəcəyini bəyan edib. Bu barədə İŞİD-ə yaxın xəbər agentlikləri məlumat yayıb. Terrorçular bu addımın təxribatçılara ən yaxşı cavab olacağını bildiriblər.

 

Bu arada İŞİD-insıralarının genişlədiyi barədə xəbərlər yayılıb. Bildirilir ki, “Əl-Qaidə”nin Suriya qolu olaraq tanınan “Əl-Nusra cəbhəsi” silahlılarından da İŞİD-ə qatılanlar var. Onlardan biri qruplaşmanın Dəməşqdəki Quta bölgəsi komandirlərindən olan Şakir əş-Şamidir.

 

Suriyanın paytaxtı Dəməşqdə Əsəd rejiminə qarşı irili-xırdalı bir çox hücum həyata keçirən Əmr Şakir əş-Şami rəsmi "Twitter" hesabından verdiyi açıqlamada İŞİD əmiri Əbubəkr əl-Bağdadiyə beyət etdiyini bildirib.