Gələn həftə Bakıya yenidən erməni deputatlar gələcək. Bu barədə Ermənistan saytları yazıblar. Ermənistan parlamentinin deputatları Azərbaycana ATƏT  PA-nın iyunun 28-dən iyulun 2-nə qədər Bakıda keçiriləcək illik sessiyasında iştirak etmək üçün gəlirlər. Nümayəndə heyətinə Respublikaçılar Partiyasından Artaşes Qeqamyan başçılıq edəcək.  Bundan əlavə heyətdə Ermənistan Xalq Partiyasının lideri, "Erməni Milli Konqresi" fraksiyasının üzvü Stepan Dəmirçiyan və "Çiçəklənən Ermənistan" fraksiyasından Stepan Marqaryan da daxildir.