Rostov vilayətindəki "Qukovo" beynəlxalq avtomobil buraxılış məntəqəsi Rusiya tərəfdən bağlanıb. Rusiya Federal Təhlükəsizlik Xidməti Sərhəd İdarəsinin yaydığı məlumata görə, buna səbəb kimi Ukrayna ərazisində atışmaların davam etməsidir. APA TV-nin Rusiya mətbuatına istinadən verdiyi məlumata əsasən daha öncə bağlanmış "Kuybışevo" və "Novoşaxtinsk" buraxılış məntəqələri isə artıq fəaliyyətlərini bərpa edib. Rostov vilayət qubernatorunun müavini Sergey Bondarev isə deyib ki, son bir sutka ərzində Rostova 6 min Ukrayna vətəndaşı gəlib.