İyunun 23-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Ekolgiya və Təbii Sərvətlər Nazirliyini (ETSN) Milli Hidrometeorologiya Departamentindən APA TV-yə verilən məlumata görə, güclü şimal qərb küləyi əsəcək. Havanın temperaturu gecə 18-23, gündüz 24-29 dərəcə isti olacaq. Bölgələrdə də əsasən gecə və axşam saatlarında şimşək çaxacağı, dağlıq və dağətəyi rayonlarda yağış yağacağı, dolu düşəcəyi ehtimalı var. Güclü qərb, şimal qərb küləyi əsəcək. Havanın temperaturu gecə 18-23, gündüz 30-35, dağlarda gecə 9-14, gündüz 20-24 dərəcə isti olacaq. İyunun 22 dən müşahidə edilən güclü şimal qərb küləyi sabah axşama kimi davam edəcək.