Yunanıstan millisi dünya çepmpionatında Fil dişi sahili yığmasını 2:1 hesabı ilə məğlub edərək, növbəti mərhələyə çıxdı.

 

İlk hissədə yunanların heyətində iki məcburi dəyişiklik oldu. Panayotis Kone və qapıçı Orestis Karnezis oyunu yarımçıq tərk ediblər. Konenin yerinə meydana çıxan Andreas Samaris 43-cü dəqiqədə hesabı açdı.

 

Fil dişi sahili yığması hesabı ikinci hissədə bərabərləşdirdi. 74-cü dəqiqədə Vilfrid Boni Jervanyonun ötürməsindən sonra bərabərlik qolunu vurdu.

 

Heç-heçə Fil dişi sahilini növbəti mərhələyə çıxarmağa kifayət edirdi. Lakin oyunun əsas vaxtına əlavə edilən dəqiqələrdə yunan futbolçuya qarşı kobudluq penalti ilə nəticələndi. Georgios Samaras penaltini uğurla yerinə yetirdi.

 

Bu qol Yunanıstan millisinə təkcə qələbə gətirmədi, həm də onu növbəti mərhələyə çıxardı.

 

Yunanlar 1/8 finalda Kosta-Rika millisi ilə qarşılaşacaqlar.