Kolumbiya millisi futbol üzrə dünya çempionatında qrup mərhələsinin son turunda Yaponiya yığmasını 4:1 hesabı ilə məğlub etdi.

 

Kolumbiya millisinin yarımmüdafiəçisi Xuan Kuadrado hesabı 17-ci dəqiqədə penaltidən açdı.

 

Birinci hissənin son saniyələrində Yaponiya yığmasının hücumçusu Sindzi Okadzaki hesabı bərabərləşdirdi.

 

İkinci hissə Kolumbiya yığmasının hesabı darmadağın həddinə çatdırması ilə yadda qaldı. 55-ci dəqiqədə Cekson Martines kolumbiyalıları hesabda irəli çıxardı. O, 82-ci dəqiqədə dubla imza atdı.

 

Cekson Martines oyunun əsas vaxtına əlavə edilən dəqiqələrdə özünün üçüncü, komandasının isə dördüncü qolunu vurdu. Kolumbiya 4 - Yaponiya 1.

 

Qarşılaşmanın 85-ci dəqiqəsində kolumbiyalıların qapıçısı, vaxtilə Türkiyə "Qalatasaray"ının əfsanəvi heyətinin üzvü olmuş Fərid Mondraqon meydana çıxıb. Bununla da 43 yaşlı qapıçı dünya çempioanıtının ən yaşlı iştirakçısı olub.

 

Kolumbiya millisi qrup mərhələsini 9 xalla bitirdi. Kolumbiyalılar 1/8 finalda Uruqvay yığması ilə qarşılaşacaqlar.