İmişlidə ölümlə nəticələnən yol qəzası baş verib. APA TV-nin yerli bürosunun verdiyi xəbərə görə, qəza  İmişli-Qaravəllli avtomobil yolunun 1-ci kilometrliyində, Qaralar kəndi ərazisində qeydə alınıb. İmişli rayonunun Məmmədli kənd sakini Hikmət Bayramov VAZ 2106 markalı avtomobillə hərəkətdə olarkən idarəetməni itirib və maşın yol ayrıcında olan beton maneəyə çırpılıb.

 

Qəza  zamanı avtomobildə olan sərnişin Şahmar İsmayılov  aldığı bədən xəsarətlərindən dünyasını dəyişib. Sürücü, eləcə də, avtomobildə olan digər sərnişinlər - Ramin Hüseynov və Orxan Qəmbərov müxtəlif  dərəcəli bədən xəsarətləri alıblar. Yaralılar İmişli rayon mərkəzi  xəstəxanasına yerləşdiriliblər.

 

Faktla bağlı araşdırma aparılır.