Murmanskda 2,5 kq heroin satmaq istəyən azərbaycanlı 15 il azadlıqdan məhrum edilib. Regional prokurorluğun yaydığı məlumata görə, bu barədə qərarı Leninskiy rayon məhkəməsi çıxarıb.

 

APA TV-nin xəbərinə görə, "Kərimov İsmayıl Əliməmməd oğlunun törətmək istədiyi cinayət sona çatdırılmayıb. O, hüquq-mühafizə əməkdaşları tərəfindən saxlanılıb",- deyə məlumatda bildirilir.

 

Müsadirə olunan heroin 20 min müxtəlif dozaların hazırlanması üçün nəzərdə tutulub və bundan əldə olunacaq gəlir təxminən 294 min dollardır.

Cinayətkar cəzasını ciddi rejimli cəzaçəkmə müəssisəsində çəkəcək.