İtaliya millisi Braziliyada keçirilən futbol üzrə dünya çempionatında qrup mərhələsini keçə bilmədiyinə görə baş məşqçi Çezare Prandelli istefa verib. APA TV-nin "Milliet"ə istinadən verdiyi xəbərə görə, boş qalan post üçün yeni namizədlər irəli sürülüb. İtaliya millisi üçün ən şanslı namizədin isə Qalatasarayla yollarını ayıran Roberto Mançini olduğu bildirilir. İtalyan məşqçilərin sıralandığı siyahıda Mançininin önə çıxdığı bildirilərkən, onun sarı-qırmızıların başında olduğu dönəmdə belə adının milli komanda ilə hallandığı və özünün də bu vəzifəyə hazır olduğu diqqətdən yayınmayıb. Roberto Mançinidən başqa Alleqri, Zakkeroni, Ranieri və Spalletti də ciddi namizədlər olaraq göstərilir.