Bakının Sabunçu rayonunda ərazi çöküb. Hadisə Bakıxanov qəsəbəsində yerləşən çörək zavodunun ərazisində baş verib. Zavod rəhbərliyi APA TV-nin çəkiliş qrupuna mane olmaq istəyib. Şirkət sahibləri olayla bağlı açıqlama veməkdən imtina ediblər.

 

“Azərsu” ASC-nin ictimaiyyətlə əlaqələr departamentinin rəhbəri Anar Cəbrayıllı APA TV-yə açıqlamasında bildirib ki, 1000 millimetrlik Bakıxanov-Maştağa su xəttində iyunun 23-də qəza baş verib. Qəza aradan qaldırılsa da, zavodun ərazisindəki yarımtikilinin altında qalan su xəttinə müdaxilə etmək mümkün olmayıb. Müəssənin rəhbərliyinə razılaşma sənədləri olmayan tikilinin sökülməsi xəbərdarlığı olunub. Su sızaraq torpağı yuyub və çörək zavodunun həyətindəki tikili çöküb. Hazırda  əraziyə cəlb olunan ağır texnika və canlı qüvvənin köməkliyi ilə  problemin həll olunması üçün tədbirlər görülür.