Belçika millisi 1/8 finala qrup lideri kimi çıxdı
Dünya çempionatının qrup mərhələsinin üçüncü turunda Belçika millisi Cənubi Koreya yığmasını məğlub etdi. Qarşılaşma belçikalıların 1:0 hesablı qələbəsi ilə başa çatdı.
Belçika yığması 1-ci hissənin sonlarından azlıqda qaldı. Yarımmüdafiəçi Stiven Defur kobud qayda pozuntusuna görə qırmızı kart aldı.
Oyundakı yeganə qol 77-ci dəqiqədə vuruldu. Belçika millisinin müdafiəçisi Yan Vertongen fərqləndi.
Beləliklə, Belçika millisi qrup birincisi oldu. 1/8 finalda belçikalılar ABŞ yığması ilə qarşılaşacaqlar.
