Suraxanı RPİ 32-ci PB əməkdaşlarının keçirdikləri əməliyyat-axtarış tədbirləri nəticəsində, iyunun 26-da Qaraçuxur qəsəbəsi ərazisində 1985-ci il təvəllüdlü Əmiraslan Əmiraslanov şübhəli şəxs qismində saxlanılıb. APA TV-nin xəbərinə görə, onun idarə etdiyi  «Saipa» markalı avtomobilə baxış kecirilərkən  27 ədəd saxta 100 ABŞ dolları aşkar edilib.  

 

Saxlanılan şəxs ilkin ifadəsində  pulları tanımadığı şəxsdən mal müqabilində aldığını desə də, istintaq onun verdiyi ifadəni qeyri-səmimi sayaraq mənzilində  axtarış etmək qərarına gəlib. Aparılan axtarışın nəticəsindən asılı olaraq hadisəyə hüquqi qiymət veriləcək.