Fövqəladə hallar naziri, general-polkovnik Kəmaləddin Heydərov Bərdədə vətəndaşları qəbul edib. APA TV-nin xəbərinə görə, Ağdam, Bərdə və Tərtər rayonlarından olan sakinləri, həmçinin sözügedən rayonlarda məskunlaşmış məcburi köçkünlərin müraciətlərini dinləyən nazir 20 nəfərin müraciətinin yerindəcə həlli üçün aidiyyatı strukturların rəhbərlərinə tapşırıqlar verib. Bundan başqa, kadr məsələləri ilə bağlı 151, digər məsələlərlə bağlı müraciət etmiş 71 vətəndaş nazir müavinləri, nazirliyin müvafiq baş idarə və qurum rəhbərləri tərəfindən qəbul olunub.