Xaçmaz rayonunun Yergüc və Sərkərli kənd sakinləri suvarma suyunun yoxluğundan şikayətçidirlər. Onların sözlərinə görə, yetişdirdikləri alma bağlarını suvarmağa su tapa bilmirlər. Mövsüm ərzində 6 dəfə suvarılmalı bağ sahələrinə cəmi bir dəfə su verə biliblər. Əhali bu problemin ən çox Sərkəli və Yergüc kəndlərində olduğunu bildirib.
"Su idarəsi heç vaxt suyumuzu vermir. Biz çox çətinlik çəkirik. 2 aydır 40 dərəcə istidə bir dəfə də bağ sulamamışıq. Torpağı paylayır suyu vermir. Kanalı bağlıyıb, çayı bağlıyıb. Biz haradan dolanmalıyıq? Nə yolumuz var, nə içməli suyumuz".

 

"Ən çox problem Sərkərli və Yergüc kəndlərindədir. Biz Samur-Abşeron kanalından su götürürük. Öze də çox çətinliklə su götürürük. Sahələr 6 dəfə suvarılma norması nəzərdə tutulmağına baxmayaraq iyul ayında cəmi bir dəfə su verilib. Su xəttləri bərbad vəziyyətdədir, təmir olunmur".

14 mindən çox əhalisi olan hər iki kənddə təxminən 3800 hektara yaxın pay torpağı var. "Yergüc Sudan İstifadə Edənlər Birliyi"nin sədri Əlislam Məhyəddinov APA TV-yə yerli sakinlərin şikayətlərinin haqlı olduğinu bildirib. Onun sözlərinə görə, Samur Abşeron kanalında su az olduğundan bütün sahələrə suvarma suyu çatmır. Əlislam Məhyəddinov problemin qısa müddətdə həlli üçün tapşırıq verildiyini deyib.