İsrailin Qəzzaya hava hücumları davam edir. Həmas isə buna raket zərbələri ilə cavab verir. APA TV-nin məlumatına görə, İsrail ordusu Təl-Əvivə tuşlanan raket zərbələrinin qarşısının "Dəmir Qübbə" vasitəsilə alınmasının videogörüntülərini yayımlayıb. Görüntülərdə xüsusi siqnal səslərindən sonra Həmas raketlərinin havada necə zərərsizləşdirilməsi görünür. İsrail tərəfi bildirib ki, dörd gün ərzində Qəzzadan 550 raket atılıb. Buna cavab olaraq, aviasiya zərbələrini artıran İsrail 210 ayrı-ayrı hədəfi vurduğunu da açıqlayıb. İsrail raket atılan bəzi nöqtələri və silah tədarükü görülən bir neçə tunelin də məhv edildiyini bildirir.