"ASAN" xidmətin səyyar avtobusları Balakən, Zaqatala və Qax rayonlarına gedib. APA TV-nin xəbərinə görə, səyyar avtobusların 15 gündə 350 minə yaxın sakinə səyyar xidmətlər göstərməsi nəzərdə tutulur.

 

Qrup rəhbəri Nail Məmmədov deyib ki, avtobuslar iyul ayının 10-dan 25-ə kimi Zaqatala, Balakən və Qaxda olacaq.

 

Zaqatala şəhərinin mərkəzi meydanlarından birində fəaliyyətə başlayan “ASAN xidmət”in səyyar avtobusları və əməkdaşlar üçün geniş ərazi ayrılıb. Səyyar xidmətlər Ədliyyə, Daxili İşlər nazirlikləri, Dövlət Torpaq və Xəritəçəkmə Komitəsi, Dövlət Sosial Müdafiə Fondu və Əmlak Məsələləri Dövlət Komitəsi tərəfindən təqdim olunur.