Bir gündə eyni hərbi hissənin ərazisində iki yanğın
Azərbaycan Müdafiə Nazirliyinin Lənkərandakı keçmiş hərbi hissəsinin ərazisində yanğın baş verib. Fövqəladə Hallar Nazirliyinin Lənkəran Rayon Yanğından Mühafizə Hissəsindən APA TV-nin cənub bürosuna verilən məlumata görə, hadisə dünən günorta saatlarında qeydə alınıb. Hadisə yerinə 3 yanğınsöndürən maşın və canlı qüvvə səfərbər olunub. Yanğınsönürənləri səyi nətincəsində yanğının əhatə dairəsinin genişlənməsinin qarşısı alınıb. Yanğın zamanı xəsarət alan olmasa da, 1,5 hektar ərazidə kol-kos yanıb.
Məlumata görə, iyulun 14-də həmçinin Lənkəran şəhərinin Sahil küçəsində yerləşən həmin hərbi hissəyə məxsus ümumi ərazisi 4 hektar olan poliqonun 2 hektar sahəsində kol-kos yanıb.
Hər iki faktla bağlı araşdırma aparılır.