Şəkidə narkotik bitki  becərən şəxs saxlanılıb. APA TV-nin məlumatına görə, Şəki Rayon Polis Şöbəsinin əməkdaşları rayon ərazisində narkotik tərkibli bitkilərin becəririlməsi ilə məşğul olan  şəxslərin tapılaraq istintaqa təhvil edilməsi istiqamətində növbəti  əməliyyat-axtarış tədbiri keçirib.   Keçirilmiş tədbir zamanı  Şəki sakini Məmmədov Pərviz Yusif oğlunun evinə baxış keçirib.

Baxış zamanı orada xüsusi aqrotexniki qaydada qulluq edilmiş, 1 metr hündürlüyü olan  18 ədəd narkotik vasitə sayılan çətənə kolu aşkar edilib. Aşkar edilmiş narkotik vasitələr hal şahidlərinin iştirakı ilə qablaşdırılaraq hadisə yerindən maddi sübut kimi götürülüb.

Daha sonra narkotik vasitəni becərən Məmmədov Pərviz ifadəsi alınması üçün polis şöbəsinə aparılıb.  Faktla əlaqədar Şəki Rayon Polis Şöbəsində araşdırma  aparılır.