Azərbaycan Dövlət Neft Şirkəti (SOCAR) Türkiyənin “Qalatasaray” klubunun sponsoru ola bilər. APA TV xəbər verir ki, bu barədə məlumat Türkiyə mətbuatında yayılıb.

 

Məlumata görə, “Türk Telekom” şirkəti ilə yeni müqavilə imzalamayan klub sponsor axtarışındadır. SOCAR-ın “Qalatasaray” klubunun rəhbərliyi ilə artıq anlaşmaq üzrə olduğu bildirilir. İddia olunur ki, yaxın günlərdə Dövlət Neft Şirkəti ilə klub arasında müqavilə imzalana bilər. SOCAR-ın “Qalatasaray”a 20 milyon avro təklif etdiyi bildirilir.

 

Artıq sosial şəbəkələrdə “Qalatasaray”ın üzərində “SOCAR” yazılmış formalarının fotoları da yayılıb.

 

Qeyd edək ki, Qalatasaray”a sponsorluq etmək istəyənlər arasında “Samsung”, “Fly Emirates”, “Qazprom” kimi şirkətlərin də adı keçir.