İmişlidə ağır yol nəqliyyat hadisəsi baş verib. Qəza nəticəsində bir nəfər  ölüb, 2-si azyaşlı olmaqla 6 nəfər müxtəlif dərəcəli bədən xəsarətləri alıb. APA TV-nin xəbərinə görə, hadisə Hacıqabul-Horadiz avtomobil yolunun 108 ci km-də, İmişli rayonunun Qaragüvəndikli kəndində qeydə alınıb.

 

Mahir Ənvərlinin idarə etdiyi "SHAQMAN" markalı avtomobillə Şıxməmməd Şıxməmmədovun idarə etdiyi "Mercedes" markalı maşın yolun sərt  döngə olan hissəsində  toqquşub. Qəza zamanı "SHAQMAN"da olan sərnişin Mehriban Məmmədova hadisə yerində ölüb. Hər iki sürücü və sərnişinlər -  Fərid Nəzərov, "Mercedes"in sürücüsünün həyat yoldaşı Sevinc Şıxməmmədova və övladları 5 yaşlı Aysu ,4 yaşlı Ayxan müxətlif dərəcəli bədən xəsarətləri alıb. Yaralılar İmişli mərkəzi rayon xəstaxanasına yerləşdirilib. Faktla bağlı araşdırma aparılır.